Kai sitio de webmu kan shamushkamunda Diosolopai ninchi. Kaibi purisha kushiyachun ninchi. Kaibi tiyaj menumunda agllana gangui: Mushuj Testamento grabashkada uyana, textosgunada liyana, shinaidi videogunada rikuna.
Kaibi tuki churashkaguna Taita Dios jatunyachichun munanchi. Kangunaga liyajkuna gasha uyajkuna gasha Jesusmunda alli intindichun. Maijin gentesh Jesucristoda crisha, juchamunda Kishpichij gashkada crisha shinaidi kikinbuj kausida mandachun mañakiga Diosga chi gentedaga juchamunda kishpichisha na tukurij kausida kungu 'Ari, shina rurushami' nishka. Ñukuchi Diosbuj Churi Jesucristoda katiguki Paida kushiyachingaj ima laya kausanada rikuchingami. Kai sitio de webmunda "mikusha" intindisha alli yuyasha kambuj crinaga jinchiyachishka gachun.
Dioska tukida ruri pudijmi. Paida rijsingu kaibi churashkagunada rikubai, uyabai, liyabai. Paiga kushka alligunadash k'willa kawsidash kanmu kush ninmi.
(Ishki layada eskribi pudin. Kai "k"bish "w"bish llujshinmi; kai "qu"bish "hu"bish llujshinmi. Ishki layada kai sitiobi rikungui.)
2018 Mushuj Testamento Lanzamiento
Marzo de 2018biga Salasaka shimibi rurashka Mushuj Testamentoda Lanzamiento tiyaga. Kai urabi klik-da rurushaga ima laya lanzamiento gashkada riki pudingui. (En este momento el video no funciona. Perdon.)
